Poensjak Djaia

Poensjak Djaia
Die piek van Poensjak Djaia in Nieu-Guinee
Ligging	Nieu-Guinee, Indonesië
Hoogte	4 884 meter bo seevlak
Reeks	Soedirmangebergte
Koördinate	4°5′24.6″S 137°11′6″O / 4.090167°S 137.18500°O / -4.090167; 137.18500
Bergtipe	Bergkam
Eerste bestyging	13 Februarie 1962
Eerste bestyger(s)	Heinrich Harrer Philip Temple Russel Kippax Albert Huizenga
Maklikste roete	Bergklim
Poensjak Djaia

Poensjak Djaia of Carstenszpiramide (Indonesies: Puncak Jaya) is 'n berg in die Soedirmangebergte in die wes-sentrale hooglande van Papoea-provinsie, Indonesië (in die Poensjak Djaia-regentskap). Ander name daarvoor sluit in Nemangkawhi in die Amoengkal-taal, Ngga Poeloe en Goenoeng Soekarno.^[1]

Met 'n hoogte van 4 884 m bo seevlak is Poensjak Djaia die hoogste berg in Indonesië, die hoogste op die eiland Nieu-Guinee (wat die Indonesiese Papoea-provinsies en Papoea-Nieu-Guinee omvat), die hoogste van Oseanië, en die 5de hoogste berg in die Suidoos-Asiese geopolitieke streek. Dit is ook die hoogste punt tussen die Himalajas en die Andes, en die hoogste eilandpiek ter wêreld. Sekere bronne gee Wilhelmberg van 4 509 m aan as die hoogste bergpiek in Oseanië, deurdat Indonesië as deel van (Suidoos-) Asië beskou word.^[2]

1. ↑ Grootatlas van die Wêreld, Mladinska knjiga, Ljubljana, Slovenië, 1986.
2. ↑ Statistiekjaarboek van Kroasië, 2007